Ainawni

Key: B                  - Zirsangzela hnamte

Lentu romei zing hnuaia,

Thlir ni chhingmit thawi damtu

Tuah, vau vul mawi te u;

Rual te’n vanglai tawng bik che u,

Ka pian a hma lua kei zawng;

Tleitir sakhmel ainawn par iang,

Vul lai, ka vul ve lo e- Ainawni.

Aw hun I pamhmai lua e!

Enga’n phengphe khua tlai hmain,

Ainawn tha leng chhai nan-

Sakhmel dar tui I luan loh?

Tinkim dawn in ngai ve teh;

Kum sawm tal chauh koh kir-

A rem lo maw? Chutin chhai nang e- Ainawni.

Ka neih, sum leh sakhmel hi,

Rualtin khum mah ni lo se;

Bei nge sei Run dung le-

Zawng zel ta’ng ka tawng mahna,

An sawi fam Thasiam iangin;

Zawlnu khuavang siali ngei kha,

A rem mahna- Di thiangan, Ainawni.