A Pawi mange ka thian (Lyrics)

Phuahtu: Zirsangzela Hnamte

Dawn lem nei loten e,

Ngaiten rual duh ka kawm laiin;

Thinlai thawng biahthu min rawn hlan,

‘I zua rihsang a kai,’ tiin.

A pawi mange ka thian,

Chhing mittui sur ka dang zo lo;

Chhungmu ianga len thiam changin,

I kianga awm ka nuam mang e;

Chutin luaithli kan nul dun tur.

In run thim rii riaia,

Chhung kimtea dar ang len lai;

Chhingmit thlaan cham reng si a,

In run lawi pawh ka zuam tawh lo.

Min ngaithiam teh kei zawng,

Hnem thiama rual ban ta lo chu;

Lungmawla Zua-pa thlafam ngaiin,

Luaithli ka nulpui zawk nang che.

Aw biaklai Khuanu leng,

Kei lungmawl hian ka ngen a che;

Tuna kan tah leh rumna hi,

Malsawm tinreng chantir nang che.