A chul tawh hnu kum leh kan nun hlui te

Key: A                        -Vankhama

A chul tawh hnu kum leh kan nun hlui te,

Rial ang an ral zamual an liam ta e;

Maurua ang tuai tharin an mawi lo,

An ngir lo’ng e, ngaiin au mah ila.

Tlai tla eng leh lenkawl a hnim changin,

Kan hlim ni leh kan ngui lai zante kha;

Piaralah chauh dar ang tawng leh turin,

 An liam zo ta, hnutiang hawi tawh lovin.

Mahse, kum thar, Siamtu ropui ruat chu,

A lo thleng ta, hmatiang a rawn sawn e;

Zan mu tho r’u lenkawl a lo eng e,

Zaleng lawm par mawi eng rawn hawn maw e.

Kan lawm a che, kum sul puan ang thar chu,

Hlim leh lawmin zaiin kan awi ang che;

Kan zawhtluang I chhungah tui ang dam se,

Kum hlui hnehin lawmna min thlen ang che.