Min Siam Thar Leh Rawh

Key: D                        - Pr. P.L. Thlenga

Hmanah Lalpa ka hnena lo lang chuan,

"Hmangaih tawp loin ka hmangaih che;

Ka hruai haw ang che, ka din thar leh ang che,

Ka siam thar ang che," tiin min ko.

Aw Lalpa tunah ka lo haw ta,

Min siam thar leh rawh, min din thar leh rawh;

Mi sual ber pawh silfai theitu,

Thlarau Thianghlimin min siam thar leh rawh.

Sualin min hliam ka chau zo ta,

Ka hawi ngam lo lenrualte zingah;

Ka sual leh tawh lawng ka tih hnuah pawh,

Ka sual bosan leh thin avang hian.

Uire aia sual zawk kei hi,

Fapa tlanbo aia sual zawk hian;

Lungchhir mittui nen ka rawn pan che,

I ngaihdamna sang ber ka dil che.

Lalpa tunah min silfai la,

Khawvelah hian engdang ka ngai lawng;

He lei taksa bawrhsawm takah hian,

Eng pawh thleng se, ka lung a awi ang.